"Севилья"нинг 37 ёшли ҳимоячиси Серхио Рамос Испания терма жамоасига қайтиши мумкинлиги ҳақидаги саволга жавоб берди.
"Ўтган йили мен терма жамоани тарк этишга қарор қилгандим, лекин агар қайтишга мажбур бўлган ҳолатлар бўлса, мен буни қиламан. Испания терма жамоаси мен учун қанчалик муҳимлигини ҳамма яхши билади", - деди Рамос Football Espana нашрига берган интервьюсида.
Марказий ҳимоячи миллий терма жамоа сафида 180 та ўйин ўтказиб, 23 та гол урган ва 8 та голга ассистентлик қилган.
Эртага, 8 сентябрь куни Испания Евро—2024 саралаш босқичи 3-тури доирасида Грузияга қарши майдонга тушади.
