«Ливерпуль» ҳужумчи Муҳаммад Салоҳ билан хайрлашиш ҳақида ўйламаган.
Мисрлик футболчини Саудиянинг «Ал-Иттиҳод» клуби ўз сафига қўшиб олишга ҳаракат қилмоқда, кўплаб миш-мишларга кўра, араблар унга 200 миллион еврогача таклиф қилишга тайёр эди.
Яқинда маълум бўлишича, Салоҳ яқин келажакда Саудия Арабистонига кўчиб ўтмайди. Боз устига, журналист Девид Линчнинг сўзларига кўра, «Ливерпуль» 31 ёшли футболчини сотишни хаёлига ҳам келтирмаган.
Клуб бошиданоқ таклиф қилинган суммадан қатъи назар, ҳужум етакчисини сақлаб қолишга аҳд қилганди.
Муҳаммад Салоҳнинг «Ливерпуль» билан шартномаси 2025 йилгача мўлжалланган.
