"Барселона" ярим ҳимоячиси Ориол Ромеу Серхио Бускетс билан солиштириш борасидаги саволларга жавоб берди.
Жамоанинг 35 ёшли собиқ сардори ўтган мавсум якунланганидан кўп ўтмай "Интер Майами"га кўчиб ўтди. Унинг ўрнига худди шундай турдаги футболчи ҳисобланган Ромеу сотиб олинди.
“Мен “Барселона”даги ҳолатимдан мамнунман. Бускетс - бу ерда ўйнаган энг яхши ярим ҳимоячи, аммо мен учун ҳозирги жамоадошларим билан бирга ўйнаш имконияти жуда қимматлидир. Менга қўйиладиган асосий талаб – тўпни йўқотмаслик”, — деди 31 ёшли футболчи.
Ориол Ромеу жорий мавсумда “Барселона”нинг барча тўртта ўйинида асосий таркибда майдонга тушди.
