“Ювентус” дарвозабони Войцех Шесни бор эътиборини ҳозирги жамоасига қаратган.
Ўтган ёзда польшалик футболчи Саудия Арабистонидан таклифлар олган, бироқ у ҳар сафар "Ювентус" билан ҳамкорликни давом эттириш истаги туфайли рад этган, дея хабар беради инсайдер Николо Скира. 33 ёшли дарвозабон шартномани узайтиришдан манфаатдор, томонлар тез орада янги шартнома туза олишларига ишонч билдиришмоқда.
Войцех Шеснининг "Ювентус" билан амалдаги шартномаси 2025 йилнинг ўрталарида якунига етади. Жорий мавсумда футболчи битта ўйинда майдонга тушиб, "Бьянконерилар" дарвозасини дахлсиз сақлашга муваффақ бўлди.
