«Камп Ноу»да стадионни реконструкция қилиш ишлари қизғин давом этмоқда.

Айни пайтда, «Барселона» клуби дўконида мухлислар олиб ташланган майсазорнинг бир қисмини сотиб олишлари мумкин. Сувенирнинг ўлчами ва турига қараб, нархлар 20 дан 420 еврогача ўзгаради.

Мухлислар ҳақиқатан ҳам «Камп Ноу»дан майса сотиб олишларига ишонч ҳосил қилишлари мумкин. Дўконларда бу ҳақда нотариус томонидан тасдиқланган ҳужжат мавжуд.

Испания чемпионатининг дастлабки тўрт турида «Барселона» 10 очко тўплашга муваффақ бўлди. «Реал Мадрид» 12 очко билан Ла Лига турнир жадвалида пешқадамлик қилмоқда.