Англиялик ҳужумчи Харри Кейн "Бавария" футболчисига айланди, унинг учун юз миллион евродан кўпроқ пул тўланди, аммо клубнинг фахрий президенти Ули Хёнесс бу "Бавария" учун муаммо бўлиб қолмаганига ишонтирмоқда. Унга кўра, клубда етарлича маблағ бор.
"Биз Кейннинг трансфери учун пул тўладик ва ҳеч қандай пулни кечиктиришни сўрамадик. Ҳисобларимиз яхши эканини ҳамма билади. Бизда пул бор, лекин биз ҳар қандай текширувга тайёрмиз", - дея Хёнесс сўзларини келтиради Sport Bild.
Аввалроқ Харри Кейн Лондоннинг “Тоттенхэм” клубида ўйнаган. У янги жамоаси сафида Германия чемпионати ўйинларида учта гол урди.
