Словениянинг «Целе» клуби ярим ҳимоячиси Егор Пруцев Италиянинг «Рома» клуби қизиқиш доирасига тушди.
Эслатиб ўтамиз, 20 ёшли ярим ҳимоячи «Целе»да ижара асосида ўйнайди, унинг шартномаси «Cрвена Звезда»га тегишли.
Сalciomercato.it хабарига кўра, «Рома» скаутлари россиялик футболчини Конференциялар лигаси доирасидаги «Целе» - «Маккаби Тел-Авив» (1:1) ўйини пайти Пруцев голли узатмани амалга оширганида диққат билан кузатишган. Римликлар футболчининг келажаги ҳақида ўйламоқда.
Жорий мавсумда Пруцев барча турнирларни ҳисобга олган ҳолда бешта ўйинда майдонга тушди ва учта голли узатмани амалга оширди.