Рауль Гонсалес "Реал Мадрид"нинг иккинчи жамоаси билан ишлашда давом этади.
46 ёшли мутахассис Кике Сетьен истефога чиқарилганидан сўнг бўш қолган "Вильярреал"даги бу лавозимга асосий даъвогарлардан бири ҳисобланарди, аммо шанба куни "сариқ сув ости кемаси" бошқа мураббий Пачетани тайинлаганини эълон қилди. Diario AS хабарига кўра, "Вильярреал" Рауль билан сўнгги дақиқаларгача музокараларни давом эттирди, аммо у таклифни қабул қилмасликка қарор қилди, чунки у мавсум охирида "Реал Мадрид"нинг асосий жамоаси мураббийи сифатида Карло Анчелотти ўрнини эгаллаши мумкин деб ҳисобламоқда.
Қайд этилишича, машҳур собиқ ҳужумчи ҳали ҳам ўзини Ла Лиганинг бошқа клубида синаб кўришга тайёр, бироқ “Вильярреал” лойиҳаси уни тўлиқ ишонтира олмаган.
