"Ювентус" ярим ҳимоячиси Адриен Рабьога янги шартнома таклиф қилинади.
Франциялик футболчининг амалдаги шартномаси келаси ёзда тугайди ва клуб мавсум якунланганидан кейин ҳам ярим ҳимоячи билан ҳамкорликни давом эттирмоқчи. Correira Della Sport хабарига кўра, "Ювентус" Рабиога маоши камайтирилган шартнома таклиф қилади, аммо бунинг ўрнини узоқ муддат билан қоплайди. Яқин кунларда клуб вакилларининг 28 ёшли футболчининг агенти ва онаси билан учрашуви бўлиб ўтади.
Адриен Рабьо 2019 йилдан бери "Ювентус"да ўйнаб келмоқда. Жорий мавсумда у Италия чемпионатининг учта ўйинида иштирок этди.













