Дарвозабон Майк Меньян "Милан" билан ҳамкорликни узайтириши мумкин. Клуб раҳбарияти дарвозабоннинг ўйинидан қониқиш ҳосил қилган ва амалдаги шартнома 2026 йилнинг ўрталарига қадар тузилганига қарамай, унга янги меҳнат шартномаси таклиф қилишга тайёр.
Todofichajes журналистларининг хабар беришича, “россонерилар” 28 ёшли футболчи учун 2027/2028 йилги мавсум охиригача амал қиладиган янги шартнома тайёрлаган. Майкнинг маоши йилига 4,5 миллион еврогача ошади.
Италия чемпионатининг жорий мавсумида Меньян учта ўйин ўтказиб, иккита гол ўтказиб юборди. Дарвозабон миланликлар сафида 2021 йилнинг июлидан буён ўйнаб келмоқда.