"Бавария" ҳужумчиси Томас Мюллер ҳали клуб билан шартномасини узайтиргани йўқ.

Мюнхенлик тажрибали футболчининг амалдаги шартномаси жорий мавсум охирида якунига етади. Sport хабарига кўра, молиявий қийинчиликлар туфайли эркин агентларни ўз сафига қўшиб олишга эътибор қаратаётган "Барселона" аллақачон Мюллер номзодини кўриб чиқмоқда. Немис футболчиси келаси ёзда клубсиз қолса "кўк-анорранглилар" сафига қўшилиши мумкин.

Томас Мюллер бутун профессионал фаолияти давомида "Бавария"да ўйнаган. Сермаҳсул форвард Бундеслига гиганти учун барча мусобақаларда 669 ўйинда 235 та гол урди ва 257 та голли узатмани амалга оширди. Футболчи 13 сентябрь куни 34 ёшга тўлади.