"ПСЖ" ҳимоячиси Люка Эрнандес укаси билан клуб даражасида бир жамоада ўйнашни хоҳлашини тан олди.
Люка ва Теонинг йўллари Чемпионлар лигаси ўйинларида кесишиши мумкин: гуруҳ босқичи қуръаси “ПСЖ” ва “Милан”ни бир гуруҳда бирлаштирди, Франция терма жамоасининг икки футболчиси ҳар хил жамоаларда ўйнайди.
“Чемпионлар лигасида укамга қарши ўйнаш ақл бовар қилмайдиган бўлади. Бу бизнинг оиламиз учун унутилмас лаҳза бўлади, - дейди Люка Telefoot нашрига берган интервьюсида. - Тео билан бир клубда ўйнасак ажойиб бўларди. Биз аллақачон терма жамоада бирга ўйнаганмиз, клублар миқёсида эса бу янада ёқимли бўларди”, - деди ёзда “Бавария”дан "ПСЖ"га ўтган футболчи.
