"PSJ" himoyachisi Lyuka Ernandes ukasi bilan klub darajasida bir jamoada o‘ynashni xohlashini tan oldi.
Lyuka va Teoning yo‘llari Chempionlar ligasi o‘yinlarida kesishishi mumkin: guruh bosqichi qur’asi “PSJ” va “Milan”ni bir guruhda birlashtirdi, Fransiya terma jamoasining ikki futbolchisi har xil jamoalarda o‘ynaydi.
“Chempionlar ligasida ukamga qarshi o‘ynash aql bovar qilmaydigan bo‘ladi. Bu bizning oilamiz uchun unutilmas lahza bo‘ladi, - deydi Lyuka Telefoot nashriga bergan intervyusida. - Teo bilan bir klubda o‘ynasak ajoyib bo‘lardi. Biz allaqachon terma jamoada birga o‘ynaganmiz, klublar miqyosida esa bu yanada yoqimli bo‘lardi”, - dedi yozda “Bavariya”dan "PSJ"ga o‘tgan futbolchi.
