Мадриднинг “Атлетико” клуби ҳужумчиси Альваро Мората жамоасида қолишга қарор қилди.

Ёзда трансфер бозорида 30 ёшли форвард учун жиддий кураш кечди, бироқ ҳеч ким шартнома имзолашни уддалай олмади. Marca хабарига кўра, испаниялик футболчига "Бавария", "Лейпциг", "Рома", "Милан", "Интер" ва Саудия Арабистони клублари қизиқиш билдирган, бироқ футболчи "матрасчилар" сафини тарк этишни истамаган. У "Атлетико"да қолишни хоҳлади, чунки у жамоадаги ўз позициясидан ва умуман лойиҳадан мамнун эди.

Альваро Моратанинг шартномаси келаси ёзда тугайди. Transfermarkt экспертлари футболчининг нархини 20 миллион еврога баҳоламоқда.