"Наполи" ярим ҳимоячиси Элиф Эльмас "Интер"нинг радарида.
23 ёшли футболчи ҳар доим ҳам амалдаги Италия чемпионларининг асосий таркибига кира олмайди, лекин бозорда унга талаб юқори. La Republica хабарига кўра, "Интер" январь ойида музокараларни бошлашга тайёр ва Эльмасни сотиб олмоқчи. Манбага кўра, "нерадзуррилар" Шимолий Македония терма жамоаси футболчиси учун тахминан 25 миллион евро таклиф қилиши мумкин. Яна бир вариант - 15 миллион евро ва Стефано Сенси.
Элиф Эльмас 2019 йилдан бери “Наполи” сафида 175 та ўйинда майдонга тушиб, 17 та гол ва 11 та голли узатмага муаллифлик қилган. Transfermarkt экспертлари ярим ҳимоячининг нархини 26 миллион еврога баҳоламоқда.