"Napoli" yarim himoyachisi Elif Elmas "Inter"ning radarida.
23 yoshli futbolchi har doim ham amaldagi Italiya chempionlarining asosiy tarkibiga kira olmaydi, lekin bozorda unga talab yuqori. La Republica xabariga ko‘ra, "Inter" yanvar oyida muzokaralarni boshlashga tayyor va Elmasni sotib olmoqchi. Manbaga ko‘ra, "neradzurrilar" Shimoliy Makedoniya terma jamoasi futbolchisi uchun taxminan 25 million yevro taklif qilishi mumkin. Yana bir variant - 15 million yevro va Stefano Sensi.
Elif Elmas 2019 yildan beri “Napoli” safida 175 ta o‘yinda maydonga tushib, 17 ta gol va 11 ta golli uzatmaga mualliflik qilgan. Transfermarkt ekspertlari yarim himoyachining narxini 26 million yevroga baholamoqda.