Лондоннинг "Арсенал" клуби ярим ҳимоячиси Деклан Райс жамоадаги биринчи куни қандай ўтганини айтиб берди. Эслатиб ўтамиз, англиялик футболчининг “Вест Хэм”дан трансфери “канонирлар”га бонусларни ҳисобга олмаган ҳолда 116 миллион еврога тушган.
"Арсенал"даги биринчи кун мен учун асабий бўлди. Артета кўкрагимга “Салом, мен янгиман” деган ёзув қўйди. Ёш футболчилар олдидан ўтаётганимда бу ёзувни яширишга ҳаракат қилдим", - дея Райснинг сўзларини келтиради журналист Фабрицио Романо.
Райс Англия Премьер-лигасининг 4-турида “Манчестер Юнайтед” дарвозасига “Арсенал” сафида дебют голини урди.
