"Бавария" тарбияланувчиси, "Вильярреал" ва "Болонья"нинг собиқ ярим ҳимоячиси Никола Сансоне А Сериянинг "Лечче" клуби футболчисига айланди. Унинг янги клуби матбуот хизмати футболчи билан икки йиллик шартнома имзолангани ҳақида хабар берди.
Сансоне 32 ёшда, у профессионал фаолиятининг сўнгги беш мавсумини А Серия - "Болонья" сафида ўтказди. Ўтган мавсумда чап қанот ҳимоячиси 20 та расмий ўйинда майдонга тушиб, 5 гол ва 4 голга ассистентлик қилган.
"Лечче" А Сериянинг янги мавсумида ортда қолган уч турдан сўнг сенсацион тарзда етакчилар қаторида бормоқда - жамоа иккита ғалаба, дуранг қайд этиб, 7 очко тўплаган.