"Манчестер Юнайтед" ПСВнинг собиқ вингери Анвар Эль-Газини текинга ўз сафига қўшиб олиши мумкин, деб хабар беради Daily Mail .
Манбага кўра, манкунианликлар Антони ва Жэйдон Санчо билан боғлиқ муаммолар туфайли 28 ёшли футболчини трансфер қилиш вариантини кўриб чиқмоқда. Эль-Гази учун “Манчестер Юнайтед”дан ташқари Саудия Арабистони клублари ҳам даъвогарлик қилмоқда.
Ўтган ҳафтада футболчи ўзаро келишувга кўра ПСВ билан шартномасини бекор қилганди. Transfermarkt портали футболчининг нархини 5 миллион еврога баҳоламоқда.
Антони "Манчестер Юнайтед" машғулотларидан вақтинча четлаштирилди. 23 ёшли бразилиялик бир неча қиздан зўравонлик бўйича бир қанча айбловларни олди. Санчо жамоа бош мураббийи Эрик тен Хаг билан можарога учради ва у таркибдаги ўрнини йўқотиш хавфи бор.
