"Manchester Yunayted" PSVning sobiq vingeri Anvar El-Gazini tekinga o‘z safiga qo‘shib olishi mumkin, deb xabar beradi Daily Mail .

Manbaga ko‘ra, mankunianliklar Antoni va Jeydon Sancho bilan bog‘liq muammolar tufayli 28 yoshli futbolchini transfer qilish variantini ko‘rib chiqmoqda. El-Gazi uchun “Manchester Yunayted”dan tashqari Saudiya Arabistoni klublari ham da’vogarlik qilmoqda.

O‘tgan haftada futbolchi o‘zaro kelishuvga ko‘ra PSV bilan shartnomasini bekor qilgandi. Transfermarkt portali futbolchining narxini 5 million yevroga baholamoqda.

Antoni "Manchester Yunayted" mashg‘ulotlaridan vaqtincha chetlashtirildi. 23 yoshli braziliyalik bir necha qizdan zo‘ravonlik bo‘yicha bir qancha ayblovlarni oldi. Sancho jamoa bosh murabbiyi Erik ten Xag bilan mojaroga uchradi va u tarkibdagi o‘rnini yo‘qotish xavfi bor.