Журналист Ферран Мартинеснинг ёзишича, Дани Ольмо ва Бернарду Сильванинг янги шартномаларида "Барселона" бўйича маҳсус банд мавжуд.
Португалиялик футболчи август ойида "Сити" билан шартномасини узайтириб, ўзига "шаҳарликлар"да 2026 йилнинг ёзига қадар қолишини кафолатлаганди.
Лекин бу ҳаммаси эмас! Шартномада бошқа жамоа 50 миллион евро таклиф қилса, клубни тарк этиши мумкин бўлган банд бор. Бу катта эҳтимол билан фақатгина "Барселона"га амал қилади.
Дани Ольмо билан ҳам вазият худди шундай: футболчи “Лейпциг” билан янги келишувга 60 миллион евро товон пули киритилишини талаб қилган. Шартнома 2027 йилнинг ёзига қадар тузилган.
Иккала футболчи ҳам келаси ёзда "Барса"га ўтишни исташмоқда ва бу истакларини ўз жамоаси билан янги шартнома имзолаган бўлса ҳам йўқотмаган. Кўрамиз, якунда улар каталонияликлар сафига бориб қўшиладими ёки йўқми.
