"Унион" марказий ҳимоячиси Леонардо Бонуччи фаолиятини "Ювентус"да якунламоқчи эди.
36 ёшли футболчи клубини ўзгартиришни режалаштирмаган, аммо Турин клуби жорий мавсум бошланишидан олдин унга чиқиш эшигини кўрсатган. Трансфер ойнасининг сўнгги кунида италиялик фахрий "Унион"га кўчиб ўтди ва бир йиллик шартнома имзолади.
Журналист Лука Марчеттининг сўзларига кўра, Бонуччи фаолиятининг сўнгги босқичини яхши тарзда ўтказиш имкониятидан маҳрум бўлганини ҳис қилмоқда. Марказий ҳимоячи "Ювентус"да қолишни шунчалик хоҳлардики, у ҳатто Массимилиано Аллегри жамоасида захира футболчиси ролига ҳам рози бўларди.