"Реал" билан дастлабки шартномани имзолаган "Палмейрас" ҳужумчиси Эндрик "ПСЖ" ҳужумчиси Килиан Мбаппенинг Мадрид клубига ўтиши мумкинлиги ҳақида фикр билдирди.
“Мбаппе? Мен Мадрид мухлисиман, шунинг учун қанча яхши ўйинчилар келса, шунча яхши. Бу ажойиб бўларди!" — деди Эндрик TNT Sport BR телеканалига берган интервьюсида.
"Реал Мадрид" ўтган йилнинг декабрь ойида 17 ёшли бразилиялик футболчи билан шартнома имзолаганини эълон қилган эди. Форвард 2024 йилда, 18 ёшга тўлганда Мадрид клубига қўшилади.
Жорий мавсумда Эндрик барча мусобақаларда 36 та ўйин ўтказиб, 7 та гол урди ва 1 та голли узатмани амалга оширди.
