Англия терма жамоасининг собиқ ҳужумчиси Алан Ширер нима учун марказий ҳимоячи Гарри Магуайр "уч шерлар"нинг асосий таркибида мунтазам равишда майдонга тушаётганини тушунмаяпти.
Эслатиб ўтамиз, кеча ҳимоячи Шотландия билан ўйинда автогол муаллифига айланган бўлса-да, Гарет Саутгейт шогирдлари барибир 3:1 ҳисобида ғалаба қозонган эди.
"Магуайр нима учун асосий таркибда мунтазам равишда майдонга тушаётганини тушунмаяпман. У ҳафта охирида асосий таркибда майдонга тушганди, лекин Саутгейт уни яна Шотландияга қарши асосий таркибда майдонга қўйди. Захира ўриндиғида ўтирган Фикайо Томори ва Леви Колвилл нима деб ўйлашаётганига ҳайронман", - деди Ширер.
Эслатиб ўтамиз, Магуайр "Манчестер Юнайтед"да мунтазам ўйин амалиётига эга эмас, чунки бош мураббий Эрик тен Хаг унга ишонмайди.
