Ярим ҳимоячи Поль Погба допинг учун тести ижобий натижа берганидан кейин "Ювентус"ни тарк этиши мумкин. Спортчининг танасида тестостерон даражасининг ортиши аниқланди.
La Gazzetta dello Sport нашри хабарига кўра, агар Погба айбдор деб топилса, "Ювентус" шартномани бир томонлама бекор қилишга асосга эга бўлади. Бу билан "кекса синьора" 30 миллион еврога яқин маблағ тежайди.
Эслатиб ўтамиз, Поль Погбанинг "Ювентус" билан амалдаги шартномаси 2026 йилнинг июнь ойи охиригача амал қилади.
"Ювентус" Италия чемпионатининг навбатдаги ўйинини 16 сентябрь куни "Лацио"га қарши ўтказади.
