Англия терма жамоаси дарвозабони Аарон Рамсдейл Европа чемпионати саралашининг сўнгги ўйинида автогол муаллифига айланган марказий ҳимоячи Гарри Магуайрни қўллаб-қувватлади.
"Магуайр руҳий жиҳатдан жуда кучли, у ўз фазилатларини жуда яхши билади. Гарри ҳар доим рақиб учун катта хавф туғдиради. У яхши ҳимоялана олишини билади ва ўзини етакчи эканлигини билади", - деди Рамсдейл Sky Sports билан суҳбатда.
Эслатиб ўтамиз, ёзда Магуайр "Манчестер Юнайтед"да сардорлик боғичидан маҳрум қилинган эди. "Манкунианликлар" раҳбарияти футболчини сотишга уринди, бироқ Гарри қолишга ва асосий таркибдаги ўрни учун курашишга қарор қилди.
