Angliya terma jamoasi darvozaboni Aaron Ramsdeyl Yevropa chempionati saralashining so‘nggi o‘yinida avtogol muallifiga aylangan markaziy himoyachi Garri Maguayrni qo‘llab-quvvatladi.
"Maguayr ruhiy jihatdan juda kuchli, u o‘z fazilatlarini juda yaxshi biladi. Garri har doim raqib uchun katta xavf tug‘diradi. U yaxshi himoyalana olishini biladi va o‘zini yetakchi ekanligini biladi", - dedi Ramsdeyl Sky Sports bilan suhbatda.
Eslatib o‘tamiz, yozda Maguayr "Manchester Yunayted"da sardorlik bog‘ichidan mahrum qilingan edi. "Mankunianliklar" rahbariyati futbolchini sotishga urindi, biroq Garri qolishga va asosiy tarkibdagi o‘rni uchun kurashishga qaror qildi.
