"Манчестер Сити" бош мураббийи Пеп Гвардиола жарроҳлик амалиётидан сўнг жамоага қайтди ва жамоа билан илк машғулотини ўтказди.
52 ёшли мутахассис август ойида белидаги муаммолар туфайли операция қилинган эди. У "Ман Сити"нинг Премьер-лигадаги иккита ўйинини ўтказиб юборди: "Шеффилд Юнайтед" билан (2:1) ва "Фулхэм" билан (5:1). Гвардиола йўқлигида жамоани унинг ёрдамчиси Хуанма Лилло бошқарган.
Тўрт тур якунларига кўра, "шаҳарликлар" 12 очко билан Англия чемпионати турнир жадвалида пешқадамлик қилмоқда. 16 сентябрь куни “Манчестер Сити” сафарда “Вест Хэм”га қарши баҳс олиб боради. Учрашув Тошкент вақти билан соат 19.00да бошланади.