"Manchester Siti" bosh murabbiyi Pep Gvardiola jarrohlik amaliyotidan so‘ng jamoaga qaytdi va jamoa bilan ilk mashg‘ulotini o‘tkazdi.
52 yoshli mutaxassis avgust oyida belidagi muammolar tufayli operasiya qilingan edi. U "Man Siti"ning Premyer-ligadagi ikkita o‘yinini o‘tkazib yubordi: "Sheffild Yunayted" bilan (2:1) va "Fulxem" bilan (5:1). Gvardiola yo‘qligida jamoani uning yordamchisi Xuanma Lillo boshqargan.
To‘rt tur yakunlariga ko‘ra, "shaharliklar" 12 ochko bilan Angliya chempionati turnir jadvalida peshqadamlik qilmoqda. 16 sentyabr kuni “Manchester Siti” safarda “Vest Xem”ga qarshi bahs olib boradi. Uchrashuv Toshkent vaqti bilan soat 19.00da boshlanadi.
