"Сельта" сардори Яго Аспас Габри Вейганинг "Ал-Аҳли"га ўтиши ҳақида фикр билдирди.
21 ёшли ярим ҳимоячи кутилмаганда Саудия Арабистонига кўчиб ўтишга қарор қилди ва Ла Лиганинг энг умидли ёш футболчиларидан бири эди. “Сельта” бу савдодан 40 миллион еврога яқин даромад олди.
"Бу баъзида содир бўлади. Эҳтимол, кўпчилик Вейгани бутунлай бошқа жойда кутаётган эди, лекин у ва унинг оиласи яхшироқ бўлишига ишониб, шундай қарорга келишди. У Европа футболига қайтадими ёки йўқми, билмайман, лекин унинг шартномаси атиги уч йиллик бўлса, бу жуда мумкин. Умид қиламанки, биз уни Европада яна кўрамиз", - дея Аспаснинг сўзларини келтиради испан ОАВ.
