"Манчестер Юнайтед" марказий ҳимоячиси Харри Магуайр доимий танқидлардан азият чекмаслигини айтди.

Сўнгги йилларда англиялик ҳимоячи мухлисларнинг масхараларига кўп дучор бўлмоқда ва бу унинг ўйинига салбий таъсир кўрсатади, деб ҳисобланмоқда.

"Мен ўзимни кучли психологик босимга дучор бўлган одам деб айтмаган бўлардим. Мен кўп нарсаларни бошдан кечирдим, “Манчестер Юнайтед”да деярли тўрт йил давомида сардорлик боғичини тақдим. Бу юзага келадиган барча ҳолатлар билан катта масъулият талаб қилади ва унинг ижобий ва салбий томонлари кўп", - деди 30 ёшли футболчи Sky Sports нашрига берган интервьюсида.