Хитой терма жамоаси Суриядан учралган мағлубиятдан сўнг (0:1) мухлислар томонидан танқидларга сабаб бўлди.
Хитойликлар Ченгду шаҳрида ўтказилган ўртоқлик учрашувида сурияликларга имкониятни бой беришди. Учрашувга 12 367 томошабин ташриф буюрди, арена сиғими 60 мингни ташкил этади.
Бунгача сербиялик мутахассис Александр Янкович бошчилигидаги жамоа Малайзия билан ўз уйида ўртоқлик учрашувида дуранг ўйнаганди (1:1).
Суриядан учралган мағлубиятдан сўнг хитойлик мухлислар жамоага «Уят!» дея бақиришди. Шунингдек, улар чипталарни қайтариб беришни талаб қилишди.
Эслатиб ўтамиз, айни дамда Хитой ФИФА рейтингида 80, Сурия 94-ўринни эгаллаб турибди.
