"Рома" ҳужумчиси Пауло Дибала бу мавсумда жамоа билан нималарга эришмоқчи эканлиги ҳақида гапирди.
Римликлар янги мавсумни унчалик яхши бошлашмади, А Сериянинг 3 туридан сўнг бор-йўғи бир очко жамғарган Жозе Моуриньо шогирдлари турнир жадвалида 18-ўринда бормоқда.
"Олдинда узоқ мавсум, кўплаб ўйинлар бор. Умид қиламанки, март ойига қадар биз иштирок этадиган барча турнирлардаги ўйинларда ғалаба қозонамиз. Бизда кучли жамоа бор, бу мақсадни ўз олдимизга олишимиз керак. Ажойиб футболчилар етиб келишди, ўйлайманки, бу бизга ўтган мавсумдаги натижаларни яхшилаш имконини беради", - дея аргентиналик форварднинг сўзларини келтиради журналист Альфредо Педулла.
