"Roma" hujumchisi Paulo Dibala bu mavsumda jamoa bilan nimalarga erishmoqchi ekanligi haqida gapirdi.

Rimliklar yangi mavsumni unchalik yaxshi boshlashmadi, A Seriyaning 3 turidan so‘ng bor-yo‘g‘i bir ochko jamg‘argan Joze Mourinyo shogirdlari turnir jadvalida 18-o‘rinda bormoqda.

"Oldinda uzoq mavsum, ko‘plab o‘yinlar bor. Umid qilamanki, mart oyiga qadar biz ishtirok etadigan barcha turnirlardagi o‘yinlarda g‘alaba qozonamiz. Bizda kuchli jamoa bor, bu maqsadni o‘z oldimizga olishimiz kerak. Ajoyib futbolchilar yetib kelishdi, o‘ylaymanki, bu bizga o‘tgan mavsumdagi natijalarni yaxshilash imkonini beradi", - deya argentinalik forvardning so‘zlarini keltiradi jurnalist Alfredo Pedulla.