Ёзги трансфер ойнасида ярим ҳимоячи Раян Гравенберх "Ливерпуль" сафига қўшилди. Мерсисайдликлар жамоаси ҳужумчиси Диого Жота нидерландиялик футболчининг савияси ҳақида фикр билдирди.
"Мен Гравенберх билан бир нечта машғулотларни ўтказдим, лекин мен у олиб келадиган сифатни аллақачон кўрганман. Ўйлайманки, у бизга олдинга силжишимизга ёрдам берадиган яна бир футболчи бўлади", - деди Жота клуб матбуот хизматига.
“Ливерпуль” 16 сентябрь, шанба куни Англия чемпионатининг навбатдаги ўйинини ўтказади. Юрген Клопп шогирдлари сафарда “Вулверхэмптон”га қарши баҳс олиб боради.
