Ҳуқуқлари "Ливерпул"га тегишли бўлган машҳур испаниялик ярим ҳимоячи Тиаго Алькантара мерсисайдликлар сафини тарк этишни режалаштирмаяпти, бу ҳақда инсайдер Фабрицио Романо ижтимоий тармоқлар орқали хабар берди.
Аввалроқ, матбуотда футболчи Туркия чемпионатига ўтиш ҳақида ўйлаётгани, унинг хизматларига Истанбулнинг "Бешиктош" клуби қизиқиш билдираётгани ҳақида маълумотлар пайдо бўлган эди.
Англия Премьер-лигасининг сўнгги мавсумида Тиаго 18 та ўйин ўтказиб, иккита сариқ карточка олди. 32 ёшли футболчининг "қизиллар" билан шартномаси келаси йилнинг июн ойи охиригача тузилган.
