"Манчестер Юнайтед" бош мураббийи Эрик тен Хаг жамоа ҳимоячиси Харри Магуайрга йўлланаётган танқидлар ҳақида гапирди.
“Бу ҳурматсизлик эканлигини кўп марта айтганман. У бунга лойиқ эмас. У ажойиб натижаларга эришадиган ажойиб футболчи. Харри буларга эътибор қилмаслиги керак", - дея нидерландиялик мутахассис сўзларини келтиради журналист Бен Жейкобс.
“Манчестер Юнайтед”дан Лондоннинг “Вест Хэм” клубига муваффақиятсиз трансфери ва Англия ва Шотландия ўртасидаги ўйинда автогол урилганидан сўнг, 30 ёшли марказий ҳимоячи ижтимоий тармоқларда кўплаб танқид ва ҳақоратларга учради.
Transfermarkt интернет порталига кўра, англиялик футболчининг тахминий нархи 20 миллион еврони ташкил қилади.
