Килиан Мбаппе томонидан киритилган иккита гол "ПСЖ"га мағлубиятдан қутулиб қолишга ёрдам бермади.
Франциянинг амалдаги чемпиони Парижда Лига1 5-турида "Ницца"га 2:3 ҳисобида имкониятни бой берди. Misterchip хабар беришича, Мбаппе бутун профессионал фаолияти давомида дубль қайд этган ўйинда фақат иккинчи марта мағлубият аламини тотиб кўрди. Аввалроқ, бу 2020 йилнинг ноябрь ойида содир бўлган, ўшанда парижликлар худди шу ҳисобда "Монако"га ютқазганди.
"Ницца" билан ўйинда 24 ёшли форвард 29 ва 87-дақиқаларда ўз номини таблога ёздириб қўйди. Умуман олганда, Килиан Мбаппе Лига 1нинг янги мавсумида аллақачон еттита гол урган - у чемпионат тўпурарлари рўйхатини бошқариб турибди.
