Мадриднинг “Реал” клуби ярим ҳимоячиси Лука Модрич ватанига қайтиши мумкин.
38 ёшли футболчининг "Реал" билан амалдаги шартномаси жорий мавсум охиригача амал қилади.
"Модричнинг шартномасининг сўнгги йили қолди ва биз, албатта, қишда унга қўнғироқ қиламиз", - дея "Динамо Загреб" клуби президенти сўзларидан иқтибос келтирмоқда Madrid Xtra.
- Албатта, уни жамоамизда кўришни истамасликнинг иложи йўқ. Луканинг ўзи учун ҳам фаолиятини якунлашдан олдин ватанга қайтиш мантиқан тўғри иш бўларди. Клубимиз буни амалга ошириш учун ҳамма нарсани қилади."
Лука Модрич фаолиятини айнан Загребнинг "Динамо"сида бошлаган, 2008 йилда эса "Тоттенхэм"га ўтган.
