Туриннинг “Ювентус” клуби ҳимоячиси Данило “кекса синьора”нинг собиқ ҳужумчиси Криштиану Роналдунинг характер ҳақида гапирди.
Эслатиб ўтамиз, португалиялик футболчи 2018 йилдан 2021 йилгача "бьянконерлар" сафида ўйнаган.
"Роналду - доимий равишда ўрганадиган футболчи, у фақат техникага эътибор қаратмайди. У овқатланиш ва психологик жиҳатларга катта эътибор беради. Унинг пухта тайёргарлик кўриши ва қўшган барча ҳиссаси ҳайратланарли нарса", - деди Данило Il Corriere dello Sport билан суҳбатда.
Роналду айни дамда Саудия Арабистонида "Ан-Наср"да ўйнамоқда. 2021 йилда футболчи "Ювентус"ни тарк этиб, "Манчестер Юнайтед"га ўтди ва у ерда атиги бир ярим мавсум ўйнади.
