"Арсенал" бош мураббийи Микель Артета ҳужумчи Габриэль Жезуснинг аҳамияти ҳақидаги саволга жавоб берди.
Бразилиялик футболчи жароҳати сабаб ўтган мавсумнинг муҳим қисмини ўтказиб юборди. Форвард жорий мавсумнинг дастлабки икки ўйинида ҳам жароҳати сабаб иштирок эта олмади ва сентябрь ойи бошида "Манчестер Юнайтед"га қарши ўйинда захирадан майдонга тушиб, узоқ кутилган голни урди.
“У узоқ давом этган тикланишдан сўнг янги жароҳат олди, яна операция қилишига тўғри келди. Габриэль ажойиб футболчи эканлигига шубҳа йўқ. Ўтган мавсумда ўйинимизни қандай ўзгартирганини ҳамма кўрди. У соғлом бўлгач яна асосий фигурага айланади", - деди Артета якшанба кунги "Эвертон"га қарши ўйин олдидан матбуот анжуманида.
