"Барселона" бош мураббийи Хави Эрнандес ҳужумчи Роберт Левандовскини сўнгги ўйинлардаги ҳаракатлари учун юқори баҳолади.

35 ёшли футболчи каталонияликларнинг “Бетис”ни мағлуб этишига ёрдам бериб, бир гол ва иккита голли узатмани амалга оширди. Учрашув “кўк-анорранглилар”нинг 5:0 ҳисобидаги ғалабаси билан якунланди.

“Левандовски яна бир ажойиб ўйин ўтказди. У "Осасуна" билан охирги ўйинда ҳам, бугун ҳам жуда яхши ўйнади. У футболдан завқланади ва ўз позициясини тез-тез тарк этиши шарт эмас. Жамоа уни керакли дақиқаларда тўп билан таъминлайди. Роберт бахтли кўринмоқда", - дея Хавининг ўйиндан кейинги интервюсидан иқтибос келтирган испан ОАВлари.

Роберт Левандовски жорий Ла Лигада 5 та учрашувда 3 та гол ва 3 та голли узатмага муаллифлик қилган.