Жоау Феликс "Барселона"га "Бетис"ни (5:0) мағлуб этишга ёрдам берди.
"Атлетико Мадрид"дан ижарага олинган 23 ёшли форвард "кўк-анорранглилар"нинг асосий таркибидаги илк учрашувини гол билан нишонлади. Португалиялик учун бу Каталония грандлари сафида киритилган биринчи гол.
“Мен ўзимни жуда яхши ҳис қиляпман. Ўйлайманки, муҳитнинг ўзгариши менга ҳам, оиламга ҳам фойда келтирди.
Мен ўз даражамга эришиш учун кўп меҳнат қиламан. Мен ажойиб жамоага ўтдим. Ўйин тузилмаси йўлга қўйилса, ҳаммаси осонроқ бўлади ва бу гол уришга ёрдам беради", - дея Феликснинг сўзларидан иқтибос келтиради Barca Universal.
Ла Лиганинг жорий 5 туридан кейин “Барселона” 13 очкога эга.
