Мадриднинг "Реал" клуби Англия чемпионатидан топ вингер сотиб олмоқчи. Todofichajes журналистларига маълум бўлишича, Англия ва "Манчестер Сити"нинг 23 ёшли ярим ҳимоячиси Фил Фоден "қироллик" клубининг эътиборига тушган.
Испания гранди раҳбарияти яқин вақт ичида футболчи борасида музокаралар олиб боришга ҳозирлик кўрмоқда. Англиялик футболчининг трансфери 110 миллион еврога баҳоланмоқда. Филнинг "шаҳарликлар" билан шартномаси 2027 йилнинг июнь ойи охиригача амал қилади.
Англия чемпионатининг жорий мавсумида Фоден бешта ўйин ўтказиб, учта гол урди.