Саудиянинг “Ал-Ҳилол” клуби ҳужумчиси Неймар Осиё Чемпионлар лигасининг дастлабки туридан ўрин олган “Навбаҳор”га қарши ўйинни ўтказиб юбориш хавфи бор. Бразилиялик футболчи янги жамоасидаги навбатдаги ўйинда жароҳат олгани учун майдонга тушмаслиги мумкин.
31 ёшли жанубий америкалик футболчи ёзги трансфер ойнасида Франциянинг "ПСЖ" клубидан "Ал-Ҳилол"га ўтган эди. Унинг трансфери учун Саудия клуби раҳбарияти парижликларга 90 миллион евро тўлаган. Неймар 2025 йилнинг ёзига қадар шартнома имзолади.
Эслатиб ўтамиз, Чемпионлар лигаси гуруҳ босқичида “Ал-Ҳилол” “Навбаҳор”, “Нассажи” ва “Мумбай Сити” билан тўқнаш келади.
