Мадриднинг “Реал” клуби дарвозабони Тибо Куртуа жорий мавсум якунига қадар майдонга қайтиши мумкинлиги ҳақидаги тахминлари билан ўртоқлашди. Эслатиб ўтамиз, бельгиялик футболчи мавсумолди машғулотлари чоғида тиззасидаги хочли боғламларини йиртиб олганди ва шу сабабли у бутун мавсумни ўтказиб юбориш хавфи бор.
“Имкон қадар тезроқ қайтиш учун кўп ҳаракат қиламан. Мавсум охирида футболдан завқ олишни истайман”, деди Куртуа El Chiringuito телеканали билан қисқа суҳбатда.
Эслатиб ўтамиз, Мадриднинг “Реал” клуби Куртуага вақтинчалик муқобил сифатида Лондоннинг “Челси” клубидан Кепа Аррисабалагани ижарага таклиф қилган эди. "Реал Мадрид"да Куртуа билан бир хил жароҳат олган марказий ҳимоячи Эдер Милитао ҳам бор.
