"Барселона" бош мураббийи Хави Эрнандес жамоасининг Чемпионлар лигасидаги ўйини ҳақида ўз фикрлари билан ўртоқлашди.
Эслатиб ўтамиз, Каталония жамоаси гуруҳ босқичида "Антверпен", "Порту" ва "Шахтёр" (Донецк) каби жамоалар билан тўқнаш келади.
"Чемпионлар лигасида кейинги қадамни ташлаш вақти келди. Футболчилар гуруҳ босқичига катта иштиёқ билан яқинлашмоқда, аммо биз хотиржамликка йўл қўймаслигимиз керак. Ўз характеримизни кўрсатишимиз керак", - деди Хави матбуот анжуманида.
Эслатиб ўтамиз, “Барселона” Чемпионлар лигасининг олдинги иккита мавсумида гуруҳдан чиқа олмаганди.
