Мадриднинг “Реал” клуби дарвозабони Тибо Куртуа жорий мавсум Чемпионлар лигасида иштирок этиш имкониятларини баҳолади.

31 ёшли дарвозабон айни дамда чап тиззасидан олган жароҳатидан даволанмоқда.

У турнирда қатнашиш ёки қатнашиаслигига ишончи комил эмаслигини айтди.

“Жароҳатимнинг тикланиши 7-9 ой давом этади. Майгача 8 ой ўтади. Демак, билмайман. Аввало, ўзимни 100 фоиз тайёр ҳис қилишим керак. Умид қиламанки, мавсум якунига қадар бир нечта ўйинларни ўтказа оламан”, деди Куртуа.

20 сентябрь куни “Реал” Чемпионлар лигаси гуруҳ босқичининг 1-тури доирасида “Унион”га қарши баҳс олиб боради.