Madridning “Real” klubi darvozaboni Tibo Kurtua joriy mavsum Chempionlar ligasida ishtirok etish imkoniyatlarini baholadi.

31 yoshli darvozabon ayni damda chap tizzasidan olgan jarohatidan davolanmoqda.

U turnirda qatnashish yoki qatnashiasligiga ishonchi komil emasligini aytdi.

“Jarohatimning tiklanishi 7-9 oy davom etadi. Maygacha 8 oy o‘tadi. Demak, bilmayman. Avvalo, o‘zimni 100 foiz tayyor his qilishim kerak. Umid qilamanki, mavsum yakuniga qadar bir nechta o‘yinlarni o‘tkaza olaman”, dedi Kurtua.

20 sentyabr kuni “Real” Chempionlar ligasi guruh bosqichining 1-turi doirasida “Union”ga qarshi bahs olib boradi.