Юрген Клопп матбуот анжуманида ёш болага дастхат берди.

"Ливерпуль" бош мураббийи "Вулверхэмптон" устидан қозонилган ғалабадан кейин (3:1) журналистлар саволларига жавоб берди. Бир пайт унинг олдига бир болакай келди ва сўради: "Сиздан дастхат олсам бўладими?"

Юрген жилмайиб жавоб берди: "Албатта, бўлади." Мураббий блокнотга имзо чекаркан: "Бу бутун матбуот анжуманидаги энг яхши савол эканлигига 100 фоиз аминман" деди.

Кейин бола Клоппдан футболкага Алиссоннинг исмини ёзиб қўйишни сўради. Немис мутахассиси: “Мен ҳам буни қила оламан. Иккинчи энг яхши савол."

Бола маркерни олиб чиқиб кетганида, Клопп табассум билан деди: "Бундан яхшими бўлмайди".